چین کې د سختو بارانونو له امله لسګونه تنه مړه شوي

رویټرز د چینایي چارواکو له قوله خبر ورکړی، چې د یاد هېواد شمال کې په تېرو دوو اوونیو کې د سختو باراونو له امله شاوخوا ۶۰ تنو ژوند له لاسه ورکړی. د اعلان شویو شمېرو له مخې له دې ډلې یې ۴۴ تنه پلازمېنه بیجینګ کې مړه شوي او ۹تنه نور لادرکه دي. د چین هوا پېژندنې ادارې ویلي، یاده سیمه کې د اورښت کچه ۵۷۳.۵ ملي مترو ته رسېدلې، چې د بیجینګ له یو کال باران سره برابر ده. ویل کېږي د بارانو له امله یو غر هم ښوېدلی، چې په پایله کې ۸تنه مړه شوي.