په ایتوپیا کې څه باندې اتیا تنه په داعش وسله والې ډله کې د غړیتوب په تور نیول شوي دي.
دغه کسان چې د سومالیا په پانتلنډ سیمه کې روزل شوي وو، غوښتل يې چې ایتوپیا کې ترهګریز بریدونه ترسره کړي.
د اتیوپیايي چارواکو په خبره، دا کسان د پلازمېنې ادیسه بابا په ګډون په بېلابېلو ښارونو کې نیول شوي دي.
د ایتوپیا اړیکې له سومالیا سره په دې هېواد کې د الشباب په نوم د یوې وسلې والې ډلې د فعالیتونو له امله ترینګلي دي.
