په افغانستان کې د خوړو نړیوال پروګرام ويلي،چې په راتلونکو شپږو میاشتو کې اړمنو خلکو ته د رسېدنې لپاره ۴۵۱ میلیون ډالرو ته اړتیا لري.
ياد بنسټ نن چهارشنبې پر خپله اېکس پاڼه لیکلي چې د افغانستان نیمایي نفوس بشري مرستو ته اړتیا لري.
دغه پروګرام زیاته کړې: «که افغانستان یوازې ۱۰۰ کسان لرلای، نو ۵۰ به یې بشري مرستو ته اړتیا لرله.»
د د غه سازمان پر وینا، افغانستان ۴۸ میلیونه نفوس لري او نږدې یو پر دریمه برخه یې له بې وزلۍ او لوږې کړېږي او په ډېر سخت حالت کې ورسره مبارزه کوي.
د خوړو نړیوال پروګرام ټینګار کړی،چې په راتلونکو شپږو میاشتو کې د ډېرو زیان منونکو کورنیو د ملاتړ لپاره ۴۵۱ میلیون ډالرو ته اړتیا لري.
پر افغانستان د امریکا د بشري مرستو په بندېدو سره، مرستندوی بنسټونه له مالي ننګونو سره مخ شوي دي.
