د روسیې تحقیقاتي کمېټې؛ د مسکو لمن کې د دغهَ هېواد یو جګپوړي پوځي افسر، چې د ډګر جنرالۍ رتبه یې لرله د وژل کېدو خبر ورکړی.
وژل شوی کس یاروسلاو موسکالیک نومېږي او د روسیې د وسله والو ځواکونو د عمومي درستیز د عملیاتي ریاست مرستیال و.
دغه جنرال نن په موټر کې د نیستروف پر سړک روان و،چې د ریموټ کنټرول له لارې په ترسره شوې چاودنه کې وژل شوی.
د روسیې د تحقیقاتي کمیټې په وینا د ډګرجنرال یاروسلاو موسکالیک د وژلو د پېښې تحقیقات روان دي.
پروسږ کال د ډسمبر په میاشت کې جنرال ایګور کیريلوف هم په مسکو کې په یوې چاودنه کې وژل شوی و، د هغې چاودنې مسئولیت د اوکراین استخباراتو منلی و.
خو تر دې دمه د موسکالیک د وژلو مسئولیت چا نه دی اخیستی.
