روسي رسنیو راپور ورکړی چې مسکو چمتو دی څو د ایران او امریکا ترمنځ د سولې د هوکړې په چوکاټ کې د ایران غني شوي یورانیم ترلاسه کړي. مسکو ټایمز د کرملین په حواله لیکلي چې روسیې بیا بیا دغه وړاندیز کړی او په لومړي ځل ولسمشر ولادیمیر پوتین له امریکایي او د سیمې له نورو مشرانو سره خبرو کې دا وړاندیز کړی دی. د کرملین ویاند ډیمټري پسکوف دغه راز د امریکا له لوري هرمز تنګي کې د کښتیو پر څار نیوکه کړې او ویلي یې دي چې دغه چاره پر نړۍوال بازار لا اغېز کوي. دا په داسې حال کې ده چې تازه پاکستان یو ځل بیا ایران او امریکا ته د بل پړاو مذاکراتو وړاندیز کړی او ښایي د اوربند تر پایته رسېدو وړاندې ترسره شي.
