د ایران د ملي هوايي دفاع د ګډې قوماندې مشر ویلي چې پر دغه هېواد د امریکا – اسراییل له بریدونو او د جګړې له پیل راهیسې ایران د دغو هېوادونو ۱۶۰ ډرون او جنګي الوتکې نسکورې کړې دي. د راپورونو له مخې تازه ایراني ځواکونو په کویټ کې هم د امریکايي چورلکو یوه زېرمه هدف ګرځولې ده. تېره ورځ هم ایران د امریکا یوه جنګي الوتکه وویشتله. سربېره پر دې ایران ګواښ کړی چې سیمه کې یې د امریکا پوځي اډې او تاسیسات مشروع هدفونه هم دي. د یو بل خبر له مخې د ایران په جګړه کې د وژل شویو او ټپي شویو امریکايي ځواکونو شمېر ۳۷۸ تنو ته رسېدلی چې له ډلې یې ۱۳ وژلي دي.
