د اولمپیک اسیایی سیالۍ پيل شوې

د اولمپيک اسیايي کمېټې له لوري پرون شنبه د یو لړ مراسمو په ترڅ کې د جاپان په ایچي ناګویا ښار کې اسیايي اولمپيکي سیالۍ پیل شوې.
شلم پړاو اسیايي اولمپیکي سیالیو کې د ۴۵ هېوادونو شاوخوا ۱۱ زره ورزشکارانو ونډه اخیستې، چې په ۴۱ بېلابېلو ورزشي څانګو کې به سیالۍ نندارې ته وړاندې کړي.
په دې سیالیو کې له افغانستان څخه د کرېکټ تر څنګ په ۸ ورزشي رشتو کې ۳۴ لوبغاړو برخه اخیستې ده.
د یادولو ده، چې نن یکشنبه به د افغانستان ووشو ملي لوبډله د خپلو سیلانو پر وړاندې ډګر ته ښکته شي.