د امریکا پخواني ولسمشر جو بایډن پر ډونالډ ټرمپ سختې نیوکې کړې او هغه یې د ناټو د کمزوري کولو، د ولادیمیر پوتین د ملاتړ په ګټه د متحدانو له پامه غورځولو او د امریکا د نړیوالو اعتبارونو د کمېدو په تورونو تورن کړی دی. بایډن ویلي: «هغه د تاریخ له هر بل ولسمشر څخه ډېر د امریکا مقام د نړۍ په نظر کې ټیټ کړی دی.» هغه همدارنګه د ټرمپ ځینو کړنو ته اشاره کړې؛ د سپینې ماڼۍ د ختیځې برخې د نڅا تالار د شخصي جوړولو لپاره له نړولو نیولې، تر دې چې د کینیډي مرکز ته یې خپل نوم ورکړی. بایډن په تمسخرآمیزه لهجه زیاته کړه: «څومره لویه ناکامي!» نوموړي ټرمپ د ولسمشرۍ له مقام څخه د مالي ګټې اخیستنې په تور هم تورن کړی او ویلي یې دي: «ټرمپ له سپینې ماڼۍ ته له بېرته ستنېدو راهیسې میلیاردونه ډالر ترلاسه کړي دي. هغه هېڅ شرم نه لري او دا د هېواد لپاره شرموونکې خبره ده. خو هغه ته هېڅ اهمیت نه لري؛ د ولسمشرۍ له مهمو موخو څخه یې یوه د پیسو ګټل دي.» دا څرګندونې د بایډن او ټرمپ ترمنځ د لفظي کړکېچ د دوام یوه بېلګه بلل کېږي. ټرمپ هم مخکې بایډن «خوبولي» او «ګډوډ» بللی و.
