اسرائیلو د لومړي وزیر د مقام ویلي چې دغه هېواد د متحده ایالاتو او د ایران اسلامي جمهوریت ترمنځ د رامنځته کېدونکي هوکړهلیک برخه نه دی او د دې توافق لوری نه ګڼل کېږي. د دغه مقام په وینا، بنیامین نتانیاهو له ډونالډ ټرمپ سره په ټلیفوني خبرو کې د هغو شرطونو ملاتړ کړی چې له تهران سره د یوې نهایي هوکړې لپاره وړاندې شوي دي. په دغو شرطونو کې د یورانیمو د غني کولو بندول، د غني کولو اړوند زېربناوو له منځه وړل، د توغندیز پروګرام محدودول، او په سیمه کې د ایران له لوري د نیابتي ډلو د ملاتړ پای ته رسول شامل دي.
