په بلخ ولایت کې د لاجورد استوګنیز کمپلیکس د بنسټ ډبره کېښودل شوه

په بلخ ولایت کې د ریاست‌الوزراء اقتصادي مرستیال ملا عبدالغني برادر له لوري د «لاجورد استوګنیز کمپلیکس» د بنسټ ډبره کېښودل شوه. ښاغلي برادر د پرانیستې په مراسمو کې وویل چې اسلامي امارت د اقتصادي خپلواکۍ، د کورنۍ او بهرنۍ پانګونې د جلب، او د زیربنایي پروژو د پلي کېدو لپاره ځانګړې پاملرنه کوي. هغه زیاته کړه چې د لاجورد استوګنیز کمپلیکس پروژه د ښاري پراختیا یوه مهمه بېلګه ګڼل کېږي.