جاپان د راستنېدونکو افغان کډوالو د ملاتړ لپاره دوه میلیونه ډالر مرسته کړې ده. د ملګرو ملتونو د کډوالۍ عالي کمېشنرۍ د جاپان له دې مرستو مننه کړې اوویلي يې دي، چې له دې مرستې به له ایران او پاکستانه راستنېدونکو کډوالو او همدارنګه په افغانستان کې زیانمنو کوربه ټولنو ته بېړنۍ مرستې ورسول شي. د پروګرام له مخې به شاوخوا ۱۱۶زره کسان له دې مرستو ګټه واخلي او نږدې ۲۳ زره راستنېدونکو کورنیو ته به نغدي مرستې ورکړل شي، څو د ترانسپورټ، کرایې او خوراکي توکو په څېر خپلې اړتیاوې پرې پوره کړي.
