د ایران امنیتي چارواکو تازه خبرداری ورکړی، چې په راتلونکو ورځو کې به د دښمن پر ضد د ایران بریدونه لا شدید او پراخ شي. د ایران د «خاتم الانبیا مرکزي قرارګاه» ویاند ډګروال ابراهیم ذوالفقاري ویلي، چې د ایران د پوځ هوايي او سمندري ځواکونو د بېپیلوټه الوتکو پر مټ په اسراییلو کې د «رامات دیوید» هوايي اډه او د «میرون» راداري مرکز په نښه کړي دي. نوموړي همدا راز زیاته کړې، چې د کویټ په «العدیري» کمپ کې د امریکايي ځواکونو ځایونه او د عراق په اربیل کې د هغوی مرکزونه هم د ایران بېپیلوټه الوتکو په نښه کړي.
