د نړیوالو رسنيو د راپورونو په حواله اسراييلو په لبنان کې نور هوايي بريدونه ترسره کړي او د بېروت د ولسمشرۍ ماڼۍ ته نږدې سيمې، بعلبک او جنوبي ښارګوټي يې په نښه کړي دي. د الجزيرې د راپور پر اساس پر بعلبک ترسره شوي بريد کې درې بيړني روغتيايي کارکوونکي ووژل شول او شپږ نور ټپيان شول. د دوشنبې له ورځې راهيسې تر اوسه له ۶۰ څخه ډېر کسان وژل شوي او ۳۳۵ نور ټپيان شوي دي. اسراييلي چارواکي وايي، لبنان کې د حزبالله اهداف په نښه کوي.
