پاکستاني رسنيو راپور ورکړی، چې د ګاز ډبې په چاودنه کې لږ تر لږه ۱۶ کسان وژل شوي او ۱۳ نور ټپیان شوي دي. د اکسپرس ټربيون په راپور کې ویل شوي، چې د چاودنې له امله د استوګنې د يوې ودانۍ چت هم رانړېدلی دی. د ژغورنې ډلې د پېښې ځای ته رسېدلي او د مرستې بهیر روان دی. چاودنه د ودانۍ په لومړي پوړ کې شوې او خورا زوروره بلل شوې ده. د دې چاودنې اصلي لامل د ګازو ډبې خرابوالی بلل شوی دی. شاوخوا یوه میاشت مخکې هم په کراچی کې اورلګېدنه د شاوخوا ۴۰ کسانو د مړینې لامل شوې وه.
