ټاس خبري اژانس د کريملین د ویاند دیمیتري پسکوف په حواله راپور ورکړی، چې د روسیې، امریکا او اوکراین ترمنځ به د درې اړخیزو مذاکراتو نوی پړاو به د روانې اوونۍ د فبرورۍ۱۷ او ۱۸ مه د سویس په جنيوا ښار کې ترسره شي. د کريملین ویاند زیاته کړې، چې په دې مذاکراتو کې به د روسیې د ولسمشر سلاکار ولادیمیر مدینسکي په مشرۍ روسیې پلاوی ګډون وکړي. د یادولو ده، چې د درې اړخیزو مذاکراتو دویم پړاو د روانې فبرورۍ مياشتې په ۴ او ۵ مه په متحده عربي اماراتو کې ترسره شوی و، چې په لړ کې یې کېیف او مسکو د ۳۱۴ جنګي اسیرانو د تبادلې پر سر هوکړې ته رسېدلي وو.
