په کاناډا کې یوې ښځې نهه کسه وژلي او په لسګونو نور یې ټپیان کړې دي. دا پېښه پرون د برټش کولمبیا په ټمبلر ریج سیمه کې رامنځته شوې. د کاناډا پولیسو په یوه بیان کې ویلي، چې د ټپيانو شمېر ٢٧ تنو ته رسیږي چې دوه یې مرګوني دي. پولیسو د بریدګرې د هویت په اړه ډیر جزئیات له رسنیو سره نه دي شریک کړي، دوی یوازې دومره ويلي، چې برید کوونکې ځان وژلی دی. تر دې پېښې وروسته د کاناډا صدراعظم چې ټاکل شوې وه نن په مونیخ کې په نړیوال امنیتي کنفرانس کې برخه واخلي، د دې پېښې په خاطر خپل سفر وځنډاوه.
