نړیوالو رسنیو د امریکا میشیګن ایالت د ځايي چارواکو له قوله راپور ورکړی، چې د شدید واورې او د سړکونو د یخوالي له امله، له ۱۰۰ زیات موټر په ځنځيري ډول ټکر شوي او ځینې موټرونه له سړکه وتلي دي. د راپورونو پر حواله، د بیړنیو خدماتو ټیمونه په ځای کې د سړک پاکولو او ټپيانو د روغتونونو لېږدولو چارې پرمخ وړي. د میشیګن ایالت پولیسو ويلي، په دې پېښه کې ګڼ شمېر کسان ټپيان شوي، خو «هېڅ د مرګ پېښه» نه ده ثبت شوې. په ورته وخت کې، د امریکا د ملي هوا پېژندنې اداره خبرداری ورکړی، چې په څو ایالتونو کې د ډېرې سړې هوا او ژمنيو توفانونو امکان شته.
