هند له نژدې څلور کلن بندیز وروسته اجازه ورکړه چې له دې هېواده ۵۰۰ زره مټریک ټنه د غنمو اوړه او ورسره تړلي محصولات بهر ته صادر شي. هندي چارواکو ويلي، د دې هېواد د غنمو حاصلات اوس د تیر پرتله ښه شوي دي. هند په نړۍ کې له چین وروسته د غنمو په تولید کې دویم مقام لري. د رویترز خبري اژانس د راپور له مخې په هند کې د تودوخې څپو د غنمو حاصلات کم کړي وو. نوي ډیلي په ۲۰۲۲کال کې د غنمو د حاصلاتو د کمېدو له امله نورو هېوادونو ته د غنمو صادرات منع کړي وو.
- Advertisment -
- Advertisment -
