ایران ډونالډ ټرمپ ته خبرداری ورکړی، که پر ایران هر راز برید وشي، تهران به یې په ځواب کې اسراییل او سیمه کې د امریکا پر پوځي اډې په نښه کړي. د ایران د پارلمان مشر محمد باقر قالیباف د پارلمان غونډې ته ویلي چې ځوابي برید د ایران مشروع حق دی. رویټرز اژانس د سرچینو په وینا خبر ورکړی چې په ایران کې د پراخو لاریونونو په ملاتړ د امریکا د احتمالي مداخلې په خاطر اسراییل د تیارسی په حالت کې دی. د امریکا ولسمشر ډونالد ټرمپ پرون په خپله ټولنیزه شبکه، تروت سوشل کې ولیکل چې «ایران ښايي تر بل هر وخت ازادۍ ته نژدې شوی وي او د امریکا متحد ایالتونه د مرستې لپاره چمتو دي.
