اسرائیل ویلي چې د پوځ یو قومندان یې تېره ورځ غزه کې د چاودېدونکو توکو له چاودنې وروسته وژل شوی. د راپورونو پر اساس، د «اوري ګیرلیک» په نوم دغه پوځي قومندان یې د غزې سویل کې د اسراییل پوځ اړوند د چاودېدونکو توکو د چاودنې پرمهال چې څرنګوالی یې نه دی مالوم ووژل شو. راپور کې ویل شوي، چې اسراییلي پوځ په دې اړه پلټنې کوي، چې چاودېدونکو توکو ولې له وخت مخکې چاودنه کړې. دې سره، په غزه کې د حماس پر وړاندې د جګړې او عملیاتو پرمهال د اسرائیلي پوځ د تلفاتو شمېر ۴۶۰ ته رسیدلی دی.
