جوزجان کې د کورش سیالۍ ترسره شوې

د جوزجان په مرکز شبرغان ښار کې د طالبانو د څلورمې کليزې په مناسبت د هېواد د شمالي ولایتونو د ۶۰ لوبغاړو په ګډون د کورش سیالۍ ترسره شوې. د جوزجان د کورش فدراسیون مسئول محمدطاهر نظري ویلي: «د طالبانو د بریا څلورمې کليزې په مناسبت د جوزجان په کوربتوب د شبرغان ښار پارک په چمن بخدي کې د بلخ او فاریاب ولایتونو د ۶۰ لوبغاړو په ګډون مو د کورش ورزشي سیالۍ ترسره کړې.» د هغه پر وینا، یادې سیالۍ په دوو وزنونو منفي ۷۳ کیلوګرام او مثبت ۹۰ کیلوګرام د یوې ورځې لپاره ترسره شوې، چې په پایله کې له جوزجان ولایت څخه بسم‌الله د یادو لوبو لومړي مقام ترلاسه کړ.