اردوغان: اسرائیلو د سیمه ييزې سولې پر ضد ستره لوبه روانه کړې

د ترکیې ولسمشر رجب طیب اردوغان سوریه کې روانو شخړو ته په اشارې ویلي، اسرائیل یو ترهګر دولت دی، چې سیمه له خطر سره مخ کوي.
اردوغان یو ځل بیا پر اسراییلي رژیم سختې نیوکې کړې او ویلي دي، چې د اسراییلو حکومت د خپلې سیاسي بقاء لپاره ټولې سیمې ته خطر پېښوي.
نوموړي زیاته کړې، چې د غزې جګړه یوازې یو نظامي کړکېچ نه، بلکې د اسرائیلو له خوا د سیمه‌ییزې سولې پر ضد ستره توطیه ده.
اردوغان همدا راز پر نړیوالو غږ کړی، چې د اسراییلو پر ضد اقدام وکړي او د فلسطین او سوریې مظلوم ولس ته عملي ملاتړ ورکړي.