د افغانستان لپاره د ازبيکستان ځانګړي استازي عصمت الله ارګاشیف د اروپايي ټولنې له استازي اډوارډز ستیپرایس سره لیدنه کړې.
د ازبيکستان د بهرنیو چارو وزارت ویلي، د افغانستان لپاره د دوی ځانګړي استازي د منځنۍ اسیا لپاره د اروپایي ټولنې له ځانګړي استازي سره د افغانستان او سیمې پر امنیت خبرې کړې دي.
د ازبيکستان د بهرنیو چارو وزارت پرون په یوه بیان کې ویلي،چې عصمت الله ایرګاشف او ادوارډز ستیپرایس په افغانستان کې له بشري بحرانه د مخنیوي پر لارو چارو خبرې وکړې.
دوی همداراز د ترمز بندر له لارې افغانستان ته د بشري مرستو د رسولو موضوع وڅېړله.
اروپایي ټولنې ویلي،چې د منځنۍ اسیا لپاره د دوی ځانګړي استازي په دې غونډه کې د افغانستان په اړه رغنده خبرو ته علاقمندي ښکاره کړې ده.
