په اسراییلو کې د پراخې اورلګېدنې په پایله کې، پولیسو په ټول هیواد کې بندیز اعلان کړ.
په عین وخت کې، د اور وژنې ډله د هغه څه سره معامله کوي،چې «د هیواد په تاریخ کې يې ساری نه درلود.
د اسرائیلو لومړي وزیر بنیامین نتنیاهو ملي بیړنی حالت اعلان کړی او خبرداری یې ورکړی،چې د بیت المقدس ښار د دغو اورونو له ګواښ سره مخ دی.
سخت لوګي د بیت المقدس په شاوخوا کې لویې لارې نیولې او اور وژونکي د اور د کنټرول لپاره کار کوي،چې ډېری خلک یې ټپیان کړي دي. پوځ هم د مرستې لپاره مداخله کړې ده.
د دغه هېواد د بیړنیو مرستو سازمان اعلان کړی،چې سلګونه کسان له خطر سره مخامخ دي.
د دغه سازمان پر وینا، د شاوخوا ۲۳ کسانو درملنه شوې او ۱۳ کسان روغتون ته وړل شوي، چې ډېری یې لوګي نیونې او سوځېدلي دي.
