پرون د نیمروز ولایت په «مېلک» سیمه کې له ایران سره په پوله د افغان او ایراني بندیانو تبادله شوې، چې ۱۹۹ افغان بندیان طالبانو او دوه ایرانیان د ایران حکومت ته سپارل شوي دي.
د راپورونو له مخې چې دا نږدې ۲۰۰ افغان بندیان د تهران، سیستان او بلوچستان او اصفهان په زندانونو کې ساتل شوي وو،چې تازه د طالبانو سرپرست حکومت ته سپارل شوي دي.
د طالبانو او ایراني چارواکو له دې مخکې هم د لسګونه بندیانو تبادله کړې ده.
په دوی کې ډېر داسې افغان بندیان هم وو چې کلونه د ایران په بېلابېلو بندخونو کې ساتل کېدل.
څه موده مخکې طالبانو په ایران کې د ځینو اعدام شویو افغانانو په غبرګون کې له ایراني حکومته غوښتي وو، چې د هغه هېواد په بندخونو کې د شته افغان بندیانو د ورسپارلو لپاره باید ورسره یوې هوکړې ته ورسېږي.
د ویلو ده، چې د ایران حکومت له تېرو څو کلونو راهیسې هلته د اعدام سزا زیاته کړې، چې په دې لړ کې لسګونه افغان بندیان هم اعدام شوي دي.
