د پاکستان د پنجاب ایالت په ګوجرانواله ښار کې د ترهګرۍ ضد ځانګړې محکمې پرون اعلان کړی،چې پر عمران خان د وژنې د هڅې مجرم ته د عمري قید او ۵۰۰ زره روپیو جریمې جزا ورکړل شوې ده.
په ۱۴۰۱ هجري قمري کال کې، کله چې عمران خان د پنجاب په وزیراباد کې د هغه وخت د حکومت پر ضد د یوې مظاهرې په ترڅ کې وینا کوله، دغه کس پر هغه د توپک برید وکړ او په پښه یې ټپي کړ.
عمران خان د دغه پېښې پر مهال د پاکستان یو له مهمو سیاسي شخصیتونو څخه ګڼل کېده، له برید وروسته یې خپل فزیکي حالت ښه کړ، خو د هغه شاوخوا سیاسي او قضايي کړکیچونه نور هم زیات شول.
دا مهال عمران خان د څو قانوني قضیو له امله په زندان کې دی.
عمران خان، د پاکستان پخوانی لومړی وزیر او د پاکستان تحریک انصاف ګوند مشر، له واک څخه د لرې کېدو راهیسې د ګڼ شمېر سیاسي او قضایي بریدونو هدف ګرځېدلی دی.
په ۱۴۰۱ کال کې د هغه د ژوند د وژنې هڅه یو له هغو جدي ګواښونو څخه وه،چې د هغه سیاسي ژوند یې اغېزمن کړ،خو د هغه د پلویانو ځینې عامه ملاتړ او سیاسي فعالیتونه دوام لري، که څه هم په زندان کې د هغه شتون د هغه سیاسي راتلونکې د ناڅرګندتیا ورېځو ته اچولې ده.
