بیش از ۱۸ میلیون دالر کمک بشردوستانه هالند به افغانستان

بخش افغانستان دفتر هم‌آهنگ‌کننده‌ی کمک‌های انسان‌دوستانه‌ی سازمان ملل متحد (اوچا)، گفته که هالند ۱۸ میلیون و ۲۹۰ هزار دالر به افغانستان کمک کرده است.
این نهاد در اکس نوشته که این پول در بخش ارائه‌ی کمک‌های نجات‌بخش به افراد نیازمند در افغانستان هزینه می‌شود.
دفتر هم‌آهنگ‌کننده‌ی کمک‌های انسان‌دوستانه‌ی سازمان ملل متحد، از هالند برای ارائه‌ی کمک به شهروندان افغانستان قدردانی کرده است. پیش از این، شماری از کشورها از جمله سویدن، ناروی و کویت نیز به افغانستان کمک کرده اند.